Іshki ister mınıstri Kaspi bank qyzmetkerin kepilge alǵan kúdiktimen qalaı kelissóz júrgizgenin aıtty

ASTANA. QazAqparat – Іshki ister mınıstri Marat Ahmetjanov Úkimet otyrysynan keıin Kaspi bank qyzmetkerin kepilge alǵan kúdiktimen kelissózdi qalaı júrgizgenin aıtty, dep habarlaıdy QazAqparat tilshisi.

«Men qazir mán-jaıdy aıta almaımyn. Óıtkeni tergeý júrip jatyr. Kezdesýi kezdestim endi. Ózim aldyn ala telefonmen sóılestim. Sosyn kirip, kepildikke alǵan azamatshany bosatýyn suradym. Óıtkeni ol apasymen sóılesti. Sol kezde endi ondaıǵa kónbegesin jańaǵy arnaıy jasaqtardyń jumysy bastaldy», - dedi ol.

Sondaı-aq, mınıstr arnaıy operatsııa barysy týraly málimet mınıstrliktiń baspasóz qyzmetinen emes, telegramm-arnalar arqyly taraýyna túsinikteme berdi.

«Arnaıy operatsııa júrgizilgendikten ol jerde ishki ister organdarynyń ǵana qyzmetshileri bolǵan joq. ıAǵnı, tekserý júrgiziledi. Eger qandaıda bir aqparat jasyryn tarap ketken bolsa, tıisti tekserýler júredi», - dedi Marat Ahmetjanov.