Іshki ister mınıstri elimizdegi dıplomatııalyq mıssııalardy kúzetý jumystaryn aıtty

NUR-SULTAN. QazAqparat – Mamandandyrylǵan kúzet qyzmeti 73 dıplomatııalyq mıssııany kúzetedi. Bul týraly Úkimet otyrysynda Іshki ister mınıstri Erlan Turǵymbaev málim etti, dep habarlaıdy QazAqparat tilshisi.

Mınıstr dıplomatııalyq ókildikterdi, ınvestıtsııa sýbektilerin jáne shetel kompanııalarynyń bıznesin qorǵaý boıynsha sharalar qabyldaý máselesine toqtaldy.

«Qazirgi ýaqytta ishki ister organdary erekshe rejımde qyzmet atqaryp jatyr. Asa mańyzdy memlekettik obektilerdiń kúzeti kúsheıtildi. Dıplomatııalyq mıssııalardyń ǵımarattaryna qosymsha qarýly beketter qoıyldy. Mamandandyrylǵan kúzet qyzmetimen 73 dıplomatııalyq mıssııa kúzetiledi», - dedi Erlan Turǵymbaev.

Budan buryn habarlanǵandaı, búgin Úkimet otyrysynda Ulttyq ekonomıka mınıstri Álibek Qýantyrov «Qazaqstan Respýblıkasyndaǵy áleýmettik-ekonomıkalyq jaǵdaıdy turaqtandyrý jónindegi jedel is-qımyldar josparyn bekitý týraly» QR Úkimeti qaýlysynyń jobasyn tanystyryldy. Talqylaýdan keıin qujat jobasy bekitildi.