Іshimdikke jáne esirtkige táýeldi 156 bala esepte tur – DSM

ASTANA. QazAqparat – Elimizde resmı derek boıynsha 20-34 jastaǵy azamattar sıntetıkalyq esirtkige áýes keledi. Atalǵan máseleni Densaýlyq saqtaý vıtse-mınıstri Vıacheslav Dýdnık kóterdi, dep habarlaıdy QazAqparat tilshisi.

«Esirtkimen kúres óte mańyzdy, sebebi másele óskeleń urpaqqa qatysty bolyp otyr. Búginde elimizde 156 bala esepte tur. Onyń ishinde 82 bala ishimdikke jáne 72 bala eskirtkige táýeldi. Bizdegi málimetke sáıkes, sıntetıkalyq eskirtkige qumarlyq ásirese 20-34 jastaǵy azamattar arasynda jıi kezdesedi. Atalǵan problemanyń aldyn alý jáne kúresý maqsatynda bizdiń mınıstrlik eki baǵytta jumys istep jatyr. Aldymen esirtkige táýeldi jandardy emdeý, ekinshiden túsindirý jumysyn keńinen júrgizip, salaýatty ómir saltyn nasıhattaý», - dedi Vıacheslav Dýdnık ortalyq kommýnıkatsııalar qyzmetinde ótken brıfıngte.

Vıtse-mınıstrdiń aıtýynsha, sıntetıkalyq esirtkige táýeldilikten arylý óte qıyn.

«Osy oraıda problemanyń aldyn alý, ıaǵnı esirtki taratýdyń jolyn kesý boıynsha profılaktıkalyq sharalardy ótkizý mańyzdy. Memleket basshysynyń tapsyrmasyna sáıkes, bizdiń mınıstrlik Іshki ister mınıstrligi jáne basqa da quzyrly organdarmen birlesip, esirtkige qarsy kúreske arnalǵan keshendi jospar ázirledi. Oǵan sáıkes DSM 11 is-shara uıymdastyrýǵa jaýapty», - deıdi ol.