Іshimdik pen esirtkige táýeldilerdi arnaıy beıimdeý ortalyǵyna ornalastyrý tártibi ózgermek

ASTANA. QazAqparat – Іshimdik pen esirtkige táýeldi azamattardy ýaqytsha beıimdeý jáne detoksıkatsııa ortalyqtaryna ornalastyrý tártibi ózgerýi múmkin. Densaýlyq saqtaý mınıstriniń tıisti buıryǵy ashyq talqyǵa shyǵaryldy, dep habarlaıdy QazAqparat tilshisi.

Usynylǵan talapqa sáıkes, endi patsıentke ýaqytsha beıimdeý jáne detoksıkatsııa ortalyqtarynda myna medıtsınalyq qyzmetter kórsetiledi:

- alkogoldi tutyný jáne mas bolý faktisine medıtsınalyq kýálandyrý júrgizý;

- patsıenttiń bıologııalyq materıalyna ekspress ádispen taldaý júrgizý;

- ekspress ádispen bıologııalyq materıaldaǵy esirtki men psıhotroptyq zattardy anyqtaý;

- anyqtalǵan jaǵdaıda ortasha dárejeli jedel alkogoldik ıntoksıkatsııany toqtatý;

- alkogoldi ishimdik iship, mas kúıde ÝBDO-ǵa túsken patsıentti medıtsınalyq baqylaý.

Bul oraıda, taldama men ózge de medıtsınalyq tekserý kórsetkishterin emdeýshi dáriger anyqtaıdy.

Jańa erejege saı, óńirlerdegi ÝBDO-nyń patsıenterdi qabyldaý qaýqary da nazarǵa alynyp, eseptelmek.

Ýaqytsha beıimdeý jáne detoksıkatsııa ortalyqtarynyń qýattylyǵy myna esepteý arqyly anyqtalady:

- respýblıkalyq mańyzy bar qalalarda keminde - 20 tósek-oryn;

- oblys ortalyqtarynda keminde - 15 tósek-oryn;

- oblystyq mańyzy bar qalalarda, aýdan ortalyqtarynda, aýdandyq mańyzy bar qalalarda keminde - 5 tósek-oryn.

Qujat 28 aqpanǵa deıin kópshilik talqylaýda bolady.