Іsh pystyryp jiberdi - Golovkın «Kanelo-Djeıkobs» aıqasy jaıly

NUR-SULTAN. QazAqparat - Boksshy Gennadıı Golovkın meksıkalyq Saýl Alvares pen amerıkalyq Denıel Djeıkobstyń jekpe-jegine qatysty pikir bildirdi, dep habarlaıdy QazAqparat tilshisi.

«Búgin erekshe bolarlyq eshteńe baıqaı almadym. Jaqsy bir sparrıng match sekildi órbidi. Іshim pysyp ketti. Jankúıerler budan da joǵary aıqasqa laıyq edi», - dep jazdy Golovkın Instagram paraqshasynda.

Eske sala ketsek, Las-Vegasta (AQSh) meksıkalyq Saýl Alvares pen amerıkalyq Denıel Djeıkobs arasynda WBC, WBA jáne IBF nusqalary boıynsha orta salmaqtaǵy (72,6 kg deıin) álem chempıony tıtýldaryna qatysty jekpe-jek ótken bolatyn.

Chempıondar arasyndaǵy aıqas 2 raýndqa sozylyp, tóreshilerdiń biraýyz sheshimi boıynsha 115-113, 115-113 jáne 116-112 esebimen jeńis Saýl Alvareske berildi. Alaıda, absolıýtti álem chempıondyǵyna deıin meksıkalyq boksshyǵa Demetrıýs Andare ıelengen WBO belbeýi jetispeıdi. Aıta keteıik, Alvares pen Djeıkobstyń ekeýi de Gennadıı Golovkınniń burynǵy qarsylastary. Qazaqstandyq boksshy óziniń jańa jattyqtyrýshysy Djonatan Benkspen jekpe-jekti tamashalady.