ISESKO bas dırektory Qazaqstannyń tarıhı-mádenı mura nysandaryn ıÝNESKO tizimine engizýge kómektespek

NUR-SULTAN. QazAqparat - Mádenıet jáne sport mınıstri Dáýren Abaev Islam álemi bilim, ǵylym jáne mádenıet uıymynyń (ISESKO) bas dırektory Salım bın Mohammed Almalıkpen kezdesti.

Kezdesý barysynda taraptar ekijaqty yntymaqtastyqtyń keń aýqymdy máselelerin talqylady, dep habarlaıdy QazAqparat QR Mádenıet jáne sport mınıstrliginiń baspasóz qyzmetine silteme jasap.

«Bıyl ISESKO óziniń 40 jyldyǵyn atap ótýde. Osy jyldar ishinde uıym kóptegen jobalardy júzege asyrdy, ózara is-qımyl men mádenı almasýdyń tıimdi quralyna aınaldy. ISESKO-ǵa kirgen ýaqyttan beri Qazaqstan osy uıymnyń qamqorlyǵymen ótkiziletin barlyq is-sharalarǵa qatysyp kele jatqany qýantady. Bul kezdesý bizdiń yntymaqtastyǵymyzdyń jańa kezeńi bolatynyna senimdimin. Biz jańa jobalar men bastamalardy usynýǵa daıynbyz», - dedi Dáýren Abaev.

Óz kezeginde Salım bın Mohammed Almalık álemdik jáne dástúrli dinder lıderleri seziniń joǵary deńgeıde ótip jatqanyn atap ótip, Qazaqstannyń mádenıet jáne sport mınıstrligimen yntymaqtastyqqa daıyn ekendigin bildirdi.

Ol tarıhı-mádenı mura salasyndaǵy mamandar úshin semınarlar men kýrstar, ártúrli ǵylymı-praktıkalyq konferentsııalar men sımpozıýmdar ótkizý jalǵasyn tabatynyn aıtty.

Sondaı-aq, Salım bın Mohammed Almalık Qazaqstannyń tarıhı-mádenı mura nysandaryn ıÝNESKO tizimine engizý boıynsha kómek kórsetýge daıyn ekenin bildirdi.

Foto: gov.kz