Isekeshev elordadaǵy jeke úıler men saıajaılardy súrip tastaýdy usyndy
14:24, 21 Sáýir 2017
ASTANA. QazAqparat - Astana ákimi Áset Isekeshev Prezıdent Nursultan Nazarbaevqa eski jáne apatty úılerdi buzý boıynsha qanatqaqty jobany júzege asyrý jaıynda baıandady, dep habarlaıdy QazAqparat.
«Qazirgi kezde 117 eki qabatty úı buzyldy. Jyl sońyna deıin 228-i súrilip tastalady jáne turǵyndardy jańa úılerge kóshirý jolymen 6 700 páter salynady. Jınaqtalǵan tájirıbeni, sondaı-aq bul baǵdarlamanyń bıyl aıaqtalatynyn eskere otyryp, ony qalalyq ortany qaıta jańartý baǵdarlamasyna eki baǵyt boıynsha masshtabtaýdy usynamyz», - dedi ákim Astanany damytýǵa arnalǵan keńeste.
Bul baǵyttaǵy usynystar maquldanǵan jaǵdaıda, baǵdarlamaǵa sáıkes, jeke turǵyn úıler men saıajaılar súriletin bolady. Olardyń ornyna qazirgi zamanǵy jaıly úıler salynady dep josparlanýda.