Іs tergelýde – Jemqorlyqqa qarsy agenttik «Astana LRT»-ǵa qatysty

NUR-SULTAN. QazAqparat – QR Sybaılas jemqorlyqqa qarsy is-qımyl agenttigi bıýdjetti talan-tarajǵa saldy dep aıyptalǵan «Astana LRT» JShS-nyń burynǵy basshylyǵyna qatysty iske túsinik berdi, dep habarlaıdy QazAqparat tilshisi.

«Qazirgi ýaqytta Nur-Sultan qalasynyń Sybaılas jemqorlyqqa qarsy qyzmeti «Astana LRT» JShS-nyń laýazymdy tulǵalaryna qatysty jeńil relsti kólik jobasynyń qurylysy kezinde bıýdjet qarajatynyń jymqyrylýy boıynsha tergeý amaldaryn júrgizip jatyr. Іs qazirgi tańda tergelýde. Tergeý múddesine sáıkes tolyqqandy aqparatty jarııalaı almaımyz», - dedi QR Sybaılas jemqorlyqqa qarsy is-qımyl agenttigi Tergeý komıtetiniń bas tergeýshisi Danııar Bekaıdarov agenttikte ótken baspasóz máslıhatynda.

«Astana LRT» JShS-nyń burynǵy basqarma tóraǵasy Talǵat Ardanǵa halyqaralyq izdeý jarııalanǵany buǵan deıin habarlanǵan bolatyn.