ІRO-nyń alǵashqy kezeńi biz boljaǵannan asyp tústi - Q. Bıshimbaev
Búgin Astanada «Halyqtyq ІRO»: nátıjeleri men keleshegi» baǵdarlamasynyń birinshi kezeńi» atty dóńgelek ústelde «Samuryq-Qazyna» Ulttyq ál-aýqat qory Basqarma tóraǵasynyń orynbasary Qýandyq Bıshimbaev osylaı málim etti. Eske salsaq, «Halyqtyq ІRO» jónindegi Qazaqstan halqy Assambleıasynyń respýblıkalyq qoǵamdyq komıssııasy uıymdastyrǵan sharanyń maqsaty baǵdarlamanyń 1-kezeńiniń qorytyndysyn shyǵaryp, odan ári júzege asyrýda usynystar ázirleý bolyp tabylady.
«QazTransoıl» aktsııalary saýdasynyń bastapqy kezeńinen beri osy aktsııalar baǵasyna oń dınamıka qalyptasyp ta otyr. Máselen, qazirgi kúni «QazTransoıl» aktsııasynyń ortasha baǵasy 10-14 paıyzǵa ósti jáne naryqta 800-830 teńgemen saýdalanyp jatyr», - dedi Q. Bıshimbaev. Sonymen qatar, tóraǵa orynbasary kompanııa óziniń jańa aktsıonerlerine 2012 jyldyń qorytyndysy boıynsha dıvıdendter tóleýdi josparlap otyrǵanyn atap ótti. Bul maqsatqa «QazTransoıl» kompanııasy óziniń taza tabystarynyń eń kemi 40 paıyzyn jumsaıtyn bolady. «Jalpy «QazTransoıl» tájirıbesi «Halyqtyq ІRO-nyń» Úkimet atqaryp otyrǵan keń aýqymdy aktsııasy ǵana emes, bizdiń azamattarymyz úshin ulttyq kompanııalardyń ıegerleri atanyp, ekonomıkaǵa óz ınvestıtsııasy arqyly tabys tabýǵa naqty múmkindik ekenin de kórsetti. Biz úshin bundaı birinshi qadam belgili bir jaǵdaıda táýekelge toly bolǵan edi. Óıtkeni, biz azamattardyń senimin tolyq baǵalaý múmkindigine ıe bolmadyq. Onyń ústine buǵan basynda-aq kúmán keltirgender de kezdesti. Alaıda, azamattardyń «Halyqtyq ІRO-ǵa» oń kózqarasy qalyptasqanyn baıqap otyrmyz», - dedi Q. Bıshimbaev.