Irlandııada túngi klýbtar jabyldy, merekede álem boıynsha áýe reısteri qysqardy

NUR-SULTAN. QazAqparat - Qazaqstanda koronavırýstyń taralýyna jol bermeý jónindegi vedomstvoaralyq komıssııa álemdegi epıdemıologııalyq ahýalǵa sholý jasady, dep habarlaıdy QazAqparat.

Koronavırýstyń jańa shekteýleri Soltústik Irlandııa, Ýels jáne Shotlandııada kúshine endi.

Birikken Koroldiktiń úsh ákimshilik-saıası bóliminiń bıligi túngi klýbtardyń jumysyna tyıym salyp, buqaralyq is-sharalardy ótkizý erejelerin edáýir qatańdatý týraly sheshim qabyldady.

Álemdegi avıakompanııalar rojdestvo merekeci kezinde shamamen 5,7 myń reısti toqtatty.

AQSh-ta tasymaldaýshylar Rojdestvo qarsańynda, Rojdestvoda jáne merekeden keıingi kúni reıs sanyn 1,7 myńǵa qysqartty.

Bul shekteýler el ishindegi reısterge de, halyqaralyq baǵyttarǵa da qatysty.

Frantsııada táýligine koronavırýstyń 100 myńnan astam jaǵdaıy anyqtaldy.

Frantsııanyń sanıtarııalyq bıligi elde kúnine 105 myńǵa jýyq ınfektsııa jaǵdaıyn tirkedi, bul pandemııa bastalǵannan beri antırekordqa aınaldy.

Covid-19 taralýynyń rekordtyq qarqyny birneshe kún qatarynan baıqaldy.