Irına Terenteva: Basty mindet - qoǵam músheleriniń bılikke degen senimin kúsheıtý
Bul pikirdi «Azamattyq Alıans» zańdy tulǵalar birlestiginiń tóraıymy Irına Terenteva bildirdi, dep habarlaıdy QazAqparat tilshisi.
Irına Terentevanyń aıtýynsha, QR Prezıdenti Qasym-Jomart Toqaev halyqqa Joldaýynda úkimettik emes uıymdar men atqarýshy bılik ózara birlese jumys isteýi qajettigin atap ótti. Óıtkeni, osy kúni olardyń aldynda turǵan mindetter bir-birimen tyǵyz baılanysqan. Osyndaı birlesken jumystardyń arqasynda ǵana halyqtyń ál-aýqatyn kóterýge bolady.
«Aqmola oblysynyń azamattyq sektory Joldaýda aıtylǵan saıası-áleýmettik baǵdarlamalardy júzege asyrýdaǵy belsendi qatysýshy bolyp tabylady. Qoǵamdyq uıymdardyń memlekettik organdarmen birlese otyryp, qoǵamdyq keńester quryp, osy arqyly úkimettik emes uıymdar óńirdiń strategııalyq baǵyt-baǵdaryna qatysty óz usynystaryn jetkizýge múmkindik alady», -deıdi Irına Terenteva.
Aıta keteıik, ótken jyldyń sońynda Elbasynyń qatysýymen ótken 8-shi Azamattyq forýmda «Qazaqstannyń Azamattyq alıansy» azamattyq qoǵamdy turaqty jáne tıimdi damytýdyń 2019-2025 jyldarǵa arnalǵan tujyrymdamasynyń jobasy tanystyrylǵan bolatyn. Qujat Qazaqstannyń taıaý bolashaqtaǵy damýynyń tujyrymdamalyq kózqarasynyń azamattyq qoldaýyna aınalatyny sózsiz.
«Qazaqstan Respýblıkasynyń 2025 jylǵa deıingi strategııalyq damý jospary» atty memlekettik baǵdarlamasynda bekitilgen, onyń negizgi mindeti – jedel jáne sapaly ekonomıkalyq ósý, sondaı-aq, eldegi ómir súrý deńgeıin arttyrý.
Jalpy, Joldaýda Prezıdent alǵa qoıǵan mindetterdiń biri- qoǵam músheleriniń bılikke degen senimin kúsheıtý ekendigi aıqyn kórinedi. ıAǵnı, bılik turǵyndar úshin ashyq, qoljetimdi bolǵan jaǵdaıda ǵana el-jurttyń senimine ıe bola alady», - dep túıindedi Irına Terenteva.