Іri sý qoımalary 60-75 paıyz tolyp tur

ASTANA. QazAqparat – Іri sý qoımalarynyń ortasha tolýy 60-75 paıyzdy quraıdy. Bul týraly Ekologııa jáne tabıǵı resýrstar mınıstri Zúlfııa Súleımenova aıtty, dep habarlaıdy QazAqparat tilshisi.

«Respýblıka aýmaǵynda barlyǵy 1 806 tirek gıdrotehnıkalyq qurylys (GTQ) bar. Osy jyldyń qańtar aıyndaǵy jaǵdaı boıynsha 1 322 GTQ zertteldi. 471 nysan jóndeýdi talap etetini anyqtaldy, onyń 327–si kommýnaldyq menshikte. Mınıstrlik GTQ tasqyn sýlaryn qaýipsiz ótkizý jáne qajetti ınertti materıaldar men tehnıkany daıyndaý qajettiligin jergilikti atqarýshy organdar nazaryna jetkizdi. Búgin taǵy da nazarǵa salamyz. Óz aldyna mınıstrlik 41 respýblıkalyq menshiktegi GTQ-ny qaıta jańartýdy júrgizýde», - dedi ol.

Mınıstrdiń aıtýynsha, respýblıka aýmaǵyndaǵy iri sý qoımalar boıynsha ortasha tolý 60-75 paıyzdy quraıdy. Іri sý qoımalaryna aǵynnyń kútiletin kólemi norma sheginde.

«Barlyq sý qoımalarynda sý qabyldaýǵa arnalǵan bos kólem bar. Sý qoımalar bekitilgen jumys rejımine sáıkes jumys atqarýda», - dedi Zúlfııa Súleımenova.