Іri saýda nysandary men bazarlardyń jumysy tsıfrlandyrylady

ASTANA. QazAqparat – Saýda jáne ıntegratsııa mınıstrligi eldegi iri saýda nysandary men bazarlardyń jumysyn tsıfrlandyrmaqshy, dep habarlaıdy QazAqparat tilshisi.

Bul týraly vedomstvonyń keńeıtilgen alqa májilisinde birinshi vıtse-mınıstr Arman Shaqqalıev málim etti.

«Biz saýda ınfraqurylymyn quryp, oǵan óndirýshiler qol jetkizý úshin mańyzdy talaptardy engizdik. Eń tómengi kóterme baǵany belgileý arqyly baǵany turaqtandyrý tetikteri men baǵa dempıngine tosqaýyl qoıý kózdelgen. Retteletin saýda qyzmeti salasyndaǵy zańnamanyń saqtalýyn memleket tarapynan baqylaý tetigin júrgizýdiń naqty algorıtmi jazylǵan. Aýdany 2 myń sharshy metrden asatyn bazarlar men iri saýda obektilerin tsıfrlandyrý arqyly aqparattyq júıe qurý kózdelgen»,- dedi ol.

Onyń aıtýynsha, atalǵan zańdy iske asyrý úshin 8 normatıvtik-quqyqtyq aktiniń jobasy ázirlengen.