Іri munaı kompanııasynan jumystan qýylǵan aqtaýlyq sotta jeńip shyqty

AQTAÝ. QazAqparat - Mańǵystaý oblystyq sotynyń azamattyq ister jónindegi apellıatsııalyq sot alqasy «Qarajanbasmunaı» AQ men kompanııanyń burynǵy jumysshysy arasyndaǵy eki jylǵa sozylǵan daýǵa núkte qoıdy, dep xabarlaıdy QazAqparat tilshisi.

2017 jyly «Qarajanbasmunaı» AQ-nyń materıaldyq-tehnıkalyq jabdyqtaý bazasy aýmaǵynda arqan ildirýshi bolyp isteıtin Q.Tólesinov jazataıym oqıǵaǵa ushyrap, onyń sońynda jumysynan bosatylǵan bolatyn.

Jumystan shyǵyp qalǵan Q.Tólesinov Aqtaý qalasynyń №2 sotyna aryz berip, jaýapker «Qarajanbasmunaı» AQ-nyń jumystan shyǵarý jónindegi buıryǵyn zańsyz dep tanýdy, burynǵy jumysyna qaıta ornalastyrýdy, amalsyz bos júrgen ýaqytyna jalaqysyn, oǵan tıisti basqa da kótermeleý syıaqylaryn tóleýge mindetteýdi suraǵan. Biraq sot onyń talabyn qanaǵattandyrýdan bas tartqan.

Munymen kelispegen ol Mańǵystaý oblystyq sotynyń azamattyq ister jónindegi apellıatsııalyq sot alqasyna shaǵym túsirip, óz talabyn dáleldeıtin naqty dáıekter men qujattar usynǵan.

Nátıjesinde, Aqtaý qalalyq №2 soty sheshiminiń kúshi joıyldy. Sot alqasy «Qarajanbasmunaı» AQ-ǵa Q.Tólesinovti burynǵy jumysyna qaıta ornalastyrýdy, amalsyz bos júrgen ýaqytyna jalaqysyn, oǵan tıisti basqa da kótermeleý syıaqylaryn tóleýdi mindettedi.

Uzaq ýaqyt boıy jumyssyz júrip, bank aldynda qaryzǵa batqan azamat ádil sot tóreligine razylyǵyn bildirip, qaıta jumysqa ornalasty.