Іri kompanııalar jol salý tenderlerin utyp alyp, jumysty merdigerge ysyra salady - Qasym-Jomart Toqaev
«Taǵy bir mańyzdy másele – memlekettik satyp alý konkýrsyn ótkizý. 2019 jyldan beri avtojol salasynda quny 1,5 trıllıon teńge bolatyn memlekettik kelisimsharttar jasaldy. Sonyń 40 paıyzyn sheteldikterdiń qatysy bar kompanııalar utyp alǵan. Biz sheteldik seriktesterimizge qoldaý kórsetemiz. Olar úshin naryq árdaıym ashyq bolady. Biraq, otandyq kompanııalarymyz belsene qatyspaıdy. Úkimet jergilikti kásiporyndar úshin básekeli orta qalyptastyrýy kerek», - dedi Qazaqstan Prezıdenti.
Memleket basshysynyń aıtýynsha, keıbir iri kompanııalardyń eńbek jáne materıaldyq resýrstary jetkiliksiz.
«Soǵan qaramastan, olar tenderdi utyp alyp, jumysty merdigerge ysyra salady. Osyndaı ahýal jylda qaıtalanady. Tipti, jumystyń 100 paıyzy basqa merdigerge tapsyrylǵany jóninde málimetter bar. Mysaly, Qaraǵandy-Balqash avtojolynyń 360 shaqyrymyn jóndeý jumystary 2019 jyldan beri jalǵasyp keledi. Bul jobanyń jalpy quny - 242 mlrd teńge. Bas merdigeri osy jumysty basqa kompanııaǵa tapsyrdy. Al bul kompanııa barlyq jumysty qosalqy merdigerge ysyra salǵan. Tipti, 22 paıyz kólemindegi ústemeaqysyn da ustap qalǵan», - dedi Qasym-Jomart Toqaev.