Іri qaradan brýtsellez anyqtalǵan Qostanaı oblysyndaǵy aýylǵa shekteý engizilmek

ASTANA. QazAqparat – Qostanaı oblysynyń Qamysty aýdanyna qarasty Qamysty aýylynda iri qaradan brýtsellez aýrýy anyqtaldy, dep habarlaıdy QazAqparat tilshisi.

«Qostanaı oblysy Qamysty aýdany Qamysty aýylyndaǵy №1 shalǵaıdaǵy tabynda (R.Hýsaınov) iri qara mal brýtselleziniń paıda bolýyna baılanysty shekteý is-sharalary belgilensin. Anyqtalǵan epızootııalyq oshaqta veterınarııalyq-sanıtarııalyq qolaıly jaǵdaıǵa qol jetkizýge arnalǵan qajetti veterınarııalyq-sanıtarııalyq is-sharalar júrgizilsin», - delingen Ashyq NQA portalynda jarııalanǵan Qamysty aýyldyq okrýginiń ákimi A.Tleýbergenovtiń sheshim-jobasynda.

Qujatty ashyq talqylaý ýaqyty búgin aıaqtalady. Endi aýyldyq okrýg ákimi qol qoıǵan soń birden kúshine enedi.

Qosa ketsek, taıaýda Soltústik Qazaqstan oblysynda brýtsellez aýrýyna baılanysty úsh eldi mekenge shekteý engizilgenin habarlap edik.