Іri ınvestıtsııalyq jobalardy júzege asyrý úshin halyqaralyq konkýrs ótkizgen jón - Prezıdent
«Kvazımemlekettik sektordyń ınvestıtsııalyq jobalarynyń quny tym asyryp kórsetiletini jasyryn emes. Ony az deseńiz, qurylys barysynda baǵa taǵy ósedi. Búginde «Samuryq-Qazyna» ál-aýqat qory 12 iri jobany júzege asyrýda. Bul - energııamen qamtamasyz etýge, gaz óndirýge, temir jol ınfraqurylymyn salýǵa qatysty jobalar. Jumystyń jalpy quny - 3,4 trln teńge», - dedi Memleket basshysy.
QR Prezıdenti atalǵan nysandar halyqqa qajet ekenin basa aıtty.
«Alaıda, jobalardyń qunyna jáne merdigerlerdiń konkýrssyz tańdalýyna qatysty kóptegen suraq týyndaıdy. Mysaly, Kendirlidegi sý tushytatyn zaýyttyń jobasy sheteldegi dál osyndaı jobalardan 3 ese qymbat turady. Ekibastuzdaǵy GRES pen Almatydaǵy energetıkalyq torapty jańǵyrtýǵa tym kóp qarajat bólinip otyrǵan joq pa? Osyndaı mysaldar az emes. Sondyqtan mundaı jobalardy júzege asyrý úshin ashyq halyqaralyq baıqaý ótkizgen jón. Bul qalypty tájirıbege aınalýǵa tıis», - dedi Qasym-Jomart Toqaev.