Іri esirtki laboratorııasy joıyldy: 200 keli sıntetıkalyq esirtki, 15 tonna prekýrsorlar tárkilendi
Zańsyz aınalymnan sıntetıkalyq esirtkiniń rekordtyq partııasy – 200 keli daıyn ónim men 15 tonna prekýrsorlar jáne zerthanalyq qural-jabdyqtar tárkilendi.
Zerdeleý barysynda jedel qyzmetkerlerdiń nazaryna Qazaqstanǵa tyıym salynǵan zattardyń aýqymdy óndirisin uıymdastyrý jáne ony ári qaraı TMD elderinde iske asyrý maqsatynda kelgen sheteldik azamat ilikti.
Jedel is-sharalardy jalǵastyrý barysynda Túrkistan oblysyndaǵy jasyryn óndiris bazasy anyqtaldy.
Esirtki zerthanasy zamanaýı quraldarmen jabdyqtalyp, 0.4 gektar aýmaqta ornalasqan jáne qorshaý boıymen beıne baqylaý kameralary men qozǵalys sensorlary qoıylǵanyn atap ótý qajet. Qaskúnem qupııalyq sharalaryn qatań saqtap kelgen.
Uıymdastyrýshy «alfa-PVP» psıhotroptyq zatyn ázirleý sátinde, ıaǵnı qolma-qol qylmys ústinde ustaldy.
Atalǵan fakt boıynsha UQK sotqa deıingi tergeý materıalyn tirkedi.
Halyqaralyq esirtki bıznesine qarsy is-qımyl boıynsha jumys jalǵasýda.