Irannyń jańa Prezıdenti AÓSShK protsesiniń ornyqty kúsheıýi men jandanýyna qoldaýyn bildirdi
AÓSShK Atqarýshy dırektory Elshi Qaırat Sarybaı Iran Islam Respýblıkasynyń shaqyrýymen Iran Islam Respýblıkasynyń jańa Prezıdenti Joǵary mártebeli Seııd Ibrahım Raısıdiń laýazymyn atqarýǵa kirisýin atap ótetin saltanatty rásimge qatysty.
2021 jylǵy 4-5 tamyz aralyǵyndaǵy issapary barysynda jańa saılanǵan Prezıdent Raısı Atqarýshy dırektordy qabyldady. Sonymen birge, Elshi Qaırat Sarybaı Iran Parlamentiniń Spıkeri Mohammad Bager Galıbaf myrzamen kezdesti.
Prezıdent Raısı myrzamen kezdesý barysynda Atqarýshy dırektor Iran tarapyna AÓSShK-ke turaqty qoldaý úshin rızashylyǵyn bildirdi jáne Irannyń jańa Prezıdentiniń basshylyǵymen aldaǵy kezde de búkilálemdik jáne aımaqtyq beıbitshilik pen qaýipsizdikti qamtamasyz etý protsesiniń kúsheıýine edáýir úlesin qosatynyna senimdiligin bildirdi. Atqarýshy dırektor Azııanyń halyqaralyq arenadaǵy mańyzdy rólin atap ótti. Sonymen qatar, Forým sheńberinde biregeı yntymaqtastyq mehanızmdi qurý qajettigin aıqyndap aıtty. Bul mánmátinde, Elshi Sarybaı Prezıdent Raısı myrzaǵa Qazaqstannyń AÓSShK-ke Tóraǵalyǵynyń 2021 jylǵy mınıstrlik kezdesý men 2022 jylǵy AÓSShK Sammıt ótkizý nıeti týraly habarlap, qadamdardy talap etetin jáne AÓSShK-ti edáýir alǵa shyǵaratyn is-áreketi – AÓSShK-ti halyqaralyq uıymǵa aınaldyrý basymdyǵy týraly atap ótti. Atqarýshy dırektor Irannyń Syrtqy ister mınıstri Djavad Zarıfke Azııadaǵy yntymaqtastyq pen dıalogty nyǵaıtýǵa qosqan orazan úlesi úshin rızashylyǵyn bildirdi.
Prezıdent Raısı halyqaralyq seriktesteri men AÓSShK sekildi mańyzdy aımaqtyq forýmdarmen yntymaqtastyq jasaýǵa asa qoldaýshylyǵyn kórsetetini týraly atap ótti. Ol úkimetaralyq uıymdary hatshylyqtarynyń, onyń ishinde AÓSShK-tiń Hatshylyǵy da, múshe memleketterdiń úkimetteri arasynda yntymaqtastyqty damytýdyń, olardyń mańyzdy sheshimderdi qabyldaý protsesterindegi aıǵaqty rólin sıpattap ótti. «AÓSShK óziniń qoıǵan maqsattaryna belsendi túrde alǵa umtylýy tıis jáne múshe memleketteriniń úkimetteri arasynda yntymaqtastyqty kúsheıtýi jón» dep atap ótti Prezıdent Raısı. Sonymen qatar, ol AÓSShK-tiń rólin udaıy kúsheıtý men ulǵaıtý kerektigin aıryqsha basa aıtty. Prezıdent Raısı Irannyń AÓSShK jumysynyń negizgi baǵyttaryna qosqan úlesine nazar aýdardy, sonymen birge, Irannyń Forým maqsattaryna jetý protsesine odan ári belsendilikpen qatysý daıyndyǵyn jáne Azııa máseleleri jónindegi yntymaqtastyqty keń aýqymdy deńgeıde jetildirý nıetin bildirdi.
Iran Parlamentiniń Spıkeri Mohammad Bager Galıbaf myrzamen kezdesý barysynda AÓSShK Atqarýshy Dırektory Irannyń Forým aımaǵynyń ishinde jáne odan tys aýqymda aımaqtyq qaýipsizdikti qamtamasyz etýdegi mańyzdy rólin erekshe atap ótti. Elshi Sarybaı Irannyń AÓSShK protsesiniń damýyna qosqan úlesi úshin rızashlyǵyn bildirdi jáne Irannyń jańa úkimetimen qarym-qatynas jasaýǵa daıyndyǵyn jetkizdi. Atqarýshy Dırektor beıbitshilik pen qaýipsýzdikti birjaqty retpen qamtamasyz etý múmkin emestigi týraly, sonymen birge, AÓSShK suhbat júrgizý men ózara árekettestik úshin qolaıly alańy ekenine nazar aýdardy. Elshi Sarybaı kópjaqty qarym-qatynastardyń mańyzdy róli men ár múshe memlekettiń ortaq iske biregeı qatysýshylyqtyń orasan rólin atap ótti. Nátıjesinde osynyń bári Azııa elderiniń órkendeýine ákelip, ózara tıimdi yntymaqtastyq pen óziniń bolashaǵy týraly derbes túrde sheshim qabyldaý qolaıly jaǵdaıdy týdyrady.
Iran Parlamentiniń Spıkeri Mohammad Bager Galıbaf myrza beıbitshilik pen qaýipsizdikti qamtamasyz etý barlyq memleketterdiń (solardyń ishinde Iran da bar) basymdyǵy bolyp tabylatyny týraly atap ótti jáne de búgingi tańda Azııa búkilálemdik beıbitshilik pen qaýipsizdik baǵytynda qadamdar jasap otyrǵan basty qozǵaýshy kúshteriniń biri bolyp tabylady jáne ol búkilálemdik beıbitshilik, qaýipsizdik pen ekonomıkalyq órkendeýdi tolyǵymen qoldaıdy. Mohammad Bager Galıbaf doktory lańkestik, zańsyz esirtki tasymaly jáne basqa da qaýipsizdik qaterlerdi keıbir memleketterdiń birjaqty áreketterin jeńý úshin jetkiliksiz ekenin atap ótti. Iran Parlamentiniń Spıkeri Mohammad Bager AÓSShK-tiń beıbitshilik pen qaýipsizdikti qamtamasyz etý jolynda jaǵymdy nátıjelerge jetetinine senimin bildirdi.
Tegeranǵa issapary barysynda, Atqarýshy dırektor Ekonomıkalyq yntymaqtastyq uıymynyń (EYU) Bas hatshysy Hadı Sýleımanpýr myrzamen kezdesti jáne ol óz seriktesimen AÓSShK men EYU arasynda ózara árekettestik pen áleýetti tıimdi yntymaqtastyqtyń baǵyttary jóninde jemisti ári mazmundy pikir almasty.
Elshi Sarybaı EYU Bas hatshysyn AÓSShK-tiń aǵymdaǵy jumysy týraly habardar etti, sonyń ishinde, Qazaqstannyń AÓSShK-ke Tóraǵalyǵynyń Forýmdy tolymdy uıymǵa aınaldyrý jáne AÓSShK protsesiniń, Hatshylyǵynyń ınstıtýtsıonaldy ári ornyqty damýyn kúsheıtý jónindegi basymdyǵy týraly atap ótti. AÓSShK Atqarýshy Dırektory AÓSShK men EYU arasynda áleýetti ózara árekettestikti mazmundy túrde jasaý mánmátininde tıimdi sheshimder men naqty salalarǵa nazar aýdardy. Sol salalarǵa Azııadaǵy AÓSShK men EYU múddeleriniń uqsastyǵy men geografııalyq ornalasýyn, AÓSShK-tiń kóp sandy músheligi men jan-jaqty kún tártibin, sonymen birge EYU-tyń ekonomıkalyq ólsheminde orasan mol tájirıbesin eskere otyryp, keshendi tásildi ózara baılanystylyqty kúsheıtý áreketteri kiredi. Mysal retinde, Elshi Sarybaı uqsas mandattary bar AÓSShK men EYU arnaıy mekemeleriniń áreketterin biriktire otyryp, eki uıymnyń forýmdarynda nemese basqa da is-sharalaryna qatysý sııaqty tıimdi ózara árekettestiktiń múmkindikterin atap ótti.
EYU Bas hatshysy EYU men AÓSShK maqsattary bir-birine uqsas keletini týraly erekshe atap ótti jáne ortaq maqsattarǵa jetý úshin qolaıly tásilderdi qoldana otyryp, ózara tıimdi yntymaqtastyqty damytýdyń orasan zor múmkindikterine nazar aýdardy.
Sýleımanpýr doktory aımaqtyń órkendeýi men Azııa elderiniń ekonomıkalyq jaǵdaıyn jaqsartý maqsatyna jetýdiń mańyzdylyǵyn erekshe atap ótti, sonyń ishinde, aımaqtyq uıymdarynyń áreketterin jahandyq aýqymda biriktirip, qarjy jumsalym men ınvestıtsııalarǵa jol ashýdyń kerektigine nazar aýdardy. EYU Bas hatshysy EYU men AÓSShK ekijaqty kelisim negizinde eki uıymdarynyń jumysyna baqylaýshylar statýsynda qatysa otyryp, yntymaqtastyqty kúsheıte alady jáne múshe memleketterdiń múddelerine saı ulttyq normatıvtik qujattardy damytýda qolǵabys kórsetý sııaqty nemese basqa da tıisti aımaqtar men sýbaımaqtardy jetildirý maqsatynda ózara tıimdi tájirıbelik qadamdar jasaı alady.