Irannyń syrtqy ister vedomstvosy Astana protsesine úmit artyp otyr
Baspasóz kommıýnıkesi 18-19 sáýir kúnderi Tegeranda ótken Sırııa boıynsha halyqaralyq kezdesýdiń (Astana protsesiniń) 3 kepil memleketteriniń birlesken tobynyń sarapshylyq kezdesýi men májilisiniń qorytyndysy boıynsha taratylǵan. Tegeranda bolǵan májilis barysynda Iran Islam Respýblıkasy, Reseı Federatsııasy jáne Túrkııa delegatsııasynyń ókilderi atysty toqtatý týraly rejımdi (2016 jyldyń 30 jeltoqsanynda jarııa etilgen) qosa alǵanda, ustalǵandardy jáne tutqynǵa alynǵandardy almastyrý týraly úsh tarapqa usynylǵan qujattardyń jobasyn qarady.
Birikken Ulttar Uıymynyń sarapshylar delegatsııasy úshjaqty májiliske baıqaýshylar retinde qosylyp, teńdessiz sarapshylyq tájirıbelerimen bólisip, tehnıkalyq qoldaý kórsetti.
«Sırııadaǵy daǵdarystyń barlyq baǵyttaryn retteýdi, áskerı qımyldar men terrorızmmen kúresti, sırııaishilik kelisimder men gýmanıtarlyq baǵyttaǵy aspektiler negizinde saıası sheshimder izdeý qajettigin qoldap otyrǵan Irannyń Syrtqy ister mınıstrligi Astana protsesi men halyqaralyq deńgeıdegi ózge de umtylystar jaqyn arada Sırııadaǵy shıelenisterdi toqtatyp, halyqaralyq qoǵamdastyq talap etip otyrǵan terrorızmmen kúreske tıimdi barlyq aspektilerdi qamtıtyn baǵytqa jol ashady dep úmittenedi»,-delingen baspasóz-kommıýnıkesinde.
Tegerandaǵy májilis 3-4 mamyr aralyǵynda Astanada ótkizýdi josparlap otyrǵan Sırııa boıynsha IV halyqaralyq kezdesýge daıyndyq aıasynda ótti. Barlyq delegatsııa ókilderi 2 mamyrda ótetin kelesi sarapshylar májilisin joǵary deńgeıdegi kezdesýge aınaldyrý jóninde kelisimge keldi.