Irannyń Qazaqstandaǵy Elshisi Prezıdenttiń bıylǵy Joldaýynyń basty ereksheligin atady

NUR-SULTAN. QazAqparat – QR Prezıdentiniń búgingi Joldaýy óńirlerdi damytýdan bastap azamattardyń quqyǵyn saqtaýǵa deıingi san túrli salany qamtydy. Iran Islam Respýblıkasynyń Qazaqstandaǵy Tótenshe jáne Ókiletti Elshisi Madjıd Samadzade Saber osyndaı pikirde, dep habarlaıdy QazAqparat tilshisi.

«Qasym-Jomart Toqaev Qazaqstannyń ári qaraı damý jolyn jarııalady. Joldaýda bul máselelerge óte kóp taraý arnaldy. Olardyń oryndalýy Qazaqstandy jarqyn keleshekke jetkizedi dep úmittenemin. Sondaı-aq, Memleket basshysyna senim artyp otyrǵan Qazaqstannyń danyshpan halqyna rızashylyq bildirgim keledi»,- dedi Madjıd Samadzade Saber.

Elshi Qazaqstan Prezıdentiniń Joldaýyndaǵy negizgi basymdyqtardy atady.

«Búgingi Joldaýdyń taǵy bir ereksheligi búkil salalardy qamtydy. Tipti óńirlerdi, oblystar men shaǵyn qalalardy damytý sııaqty el dmaýyndaǵy asa mańyzdy máselelerdiń bári qozǵaldy. Prezıdent bul problemalarǵa aıryqsha kóńil bólip otyr. Eldi damytýǵa atsalysýyna halyqtyń múddeli ekenin kórsetti. Sondaı-aq, demokratııanyń damýy men adam quqyqtarynyń saqtalatynyna senim nyǵaıdy», - dedi Madjıd Samadzade Saber.