Irannyń DSU-ǵa kirýdi josparlaǵany belgili boldy

ASTANA. QazAqparat - Sanktsııalar alynǵannan keıin Tegeran Dúnıejúzilik saýda uıymyna (DSU) kirýdi josparlap otyr.

Ázerbaıjandaǵy Iran elshisi Mohsen Pakaıın jýrnalıstermen kezdesýde osyndaı aqparatty aıtyp ótti, dep habarlaıdy trend.az agenttigi.

Elshiniń aıtýyna qaraǵanda, Iran memleketi TANAP gaz qubyry sııaqty iri aımaqtyq jobalarǵa qosylýǵa daıyn.

«Biz elimizge paıdasy tıetin barlyq jobalarǵa qatysamyz», - dep atap ótti dıplomat.

Ol Iran tranzıttik jobalardy júzege asyrý úshin Ázerbaıjannyń ınvestıtsııalaryn paıdalana alady dep sanaıdy.