Irannyń barlaý qyzmeti Tegeranda úshinshi lańkestik áreketiniń aldyn aldy

ASTANA. QazAqparat - Iran barlaý mınıstrligi Tegeranda taǵy bir teraktiniń aldyn alynǵanyn aıtty, dep habarlady IRNA.

Mınıstrliktiń terrorızmmen kúres mınıstrliginiń bas dırektory parlament pen mavzoleıge jasalǵan shabýyldy lańkestik dep tanydy.

Sondaı-aq onyń aıtýynsha, Tegeranda úshinshi shabýylǵa ázirlenip jatqan lańkester tutqyndalǵan. Budan buryn agenttik lańkestik saldarynan zardap shekken, aýrýhanaǵa jatqyzylǵan 37 adam týraly habarlaǵan. Olardyń basym bóligi atys kezinde jaraqat alǵandar, eki adam aýrýhanada kóz jumdy.

Eske salsaq, 7 maýsymda tórt lańkes ıslam revolıýtsııasynyń negizin qalaýshy ımam Homeını mavzoleıiniń ǵımaratynda atys uıymdastyrdy. Olardyń biri ǵımarat ishinde jarylys jasady. Taǵy belgisiz úsh adam parlamentte oq atyp, onyń saldarynan bir adam qaza taýyp, birneshe adam jaraqattandy.

BAQ derekterine sáıkes lańkes jankeshti beldigin iske qosqan.

DAISh lańkestik toby jaýapkershilikti óz moıyndaryna aldy.