Irannyń áýe keńistigi arqyly Qazaqstanǵa qandaı reıster jasalady - Azamattyq avıatsııa komıteti

NUR-SULTAN. QazAqparat – Azamattyq avıatsııa komıteti Iran áýe keńistigi arqyly ushatyn qazaqstandyq áýe tasymaldaýshy kompanııalar týraly aqparatty jarııalady, dep habarlaıdy QazAqparat.

Vedomtsvo baspasóz qyzmetiniń málimetinshe, qazirgi ýaqytta Irannyń áýe keńistigi arqyly eki qazaqstandyq áýe tasymaldaýshy – «Eır Astana» jáne «SCAT» turaqty reısterdi oryndaıdy.

«Eır Astana» áýe kompanııasy Iran áýe keńistigi arqyly Nur-Sultan – Dýbaı (aptasyna 5 ret) jáne Almaty – Dýbaı (aptasyna 10 ret) baǵyttary boıynsha ushýlardy oryndaıdy.
«SCAT» áýe kompanııasy Iran áýe keńistigi arqyly Almatydan Medına men Jıddəǵa (aptasyna bir ret) eki turaqty reısti jáne Almaty - Sharm El-Sheıh jáne Shymkent – Sharm El-Sheıh baǵyttary boıynsha eki turaqty emes reısti oryndaıdy», delingen habarlamada.
Sonymen qatar, BAÁ áýe kompanııalary «Fly Dubai» – (Dýbaı – Nur-Cultan - aptasyna 5 reıs, Dýbaı – Almaty - aptasyna 7 reıs), «Etihad» (Ábý-Dabı – Nur-Sultan - aptasyna 2 reıs) «Air Arabia» (Shardja – Almaty - aptasyna 5 reıs) Irannyń áýe keńistigi arqyly Qazaqstanǵa turaqty ushýlardy (barlyǵy aptasyna 19 reıs) oryndaıdy.

«Mahan Air» ırandyq áýe kompanııasy Tegeran – Almaty baǵyty boıynsha turaqty túrde ushady.

Aıta keterligi, 8 qańtarda Tegeran ýaqytymen saǵat 6:00-de Imam Homeını atyndaǵy áýejaıdan Tegeran-Kıev baǵytymen ushyp shyqqan «Ýkraına halyqaralyq áýe jelileri» áýe kompanııasynyń Boeing-737 ushaǵy apatqa ushyrady. Onyń bortyndaǵy 168 jolaýshy men 9 ekıpaj múshesi túgelge jýyq qaza tapty.