Irannyń AQSh bazasyna shabýylynan soń Tokıo qor bırjasynda baǵa quldyrady

TOKIO. QazAqparat – Qarashadan beri Nikkei ındeksi alǵash ret belgilengen baǵadan 23 000 pýnktke tómendedi. Buǵan Iran Iraktaǵy AQSh áskeri ornalasqan bazaǵa zymyran jiberip, Taıaý Shyǵystaǵy jaǵdaı ýshyǵyp turýy áser etip otyr, dep habarlaıdy QazAqparat tilshisi Kyodo-ǵa silteme jasap.

Nikkei birden 600 satyǵa tómendedi. 10:00-degi málimet boıynsha Nikkei qarjy ındeksi 568, 43 pýnktke nemese 2,41 paıyzǵa túsken. Tokıo qor bırjasyndaǵy barlyq Alǵashqy sektsııalardyń Tokıolyq aktsııa ındeksi 38,79 pýnkt nemese 2,25 paıyz boldy. Ol belgilengen baǵadan 1686,26 pýnktke tómen.

Nikkei ındeksi bir mezette 22 950-ge deıin qulady.

Seısenbi kúni AQSh Qorǵanys mınıstrligi Iran áskerıleri Iraktaǵy AQSh-tyń áskerı jáne koalıtsııalyq kúshteri ornalastyrylǵan eki áskerı bazaǵa onnan astam ballıstıkalyq zymyran jibergenin habarlady.

AQSh pen Irandaǵy jaǵdaıdyń shıelenisýine baılanysty munaı fıýchersi baǵasy ósti.