Irannyń ýaqytsha prezıdenti kim bolady

<p>ASTANA. KAZINFORM - Iran Islam Respýblıkasy Konstıtýtsııasynyń 131-babyna sáıkes, prezıdent qaıtys bolǵan jaǵdaıda, el tizginin ustaý mindeti memlekettik máselelerde sońǵy sheshimdi qabyldaıtyn Joǵarǵy kóshbasshynyń maquldaýymen birinshi vıtse-prezıdentke júkteledi, dep habarlaıdy Kazinform tilshisi Arsen Ýteshev.&nbsp;</p>

Atalǵan bapta «prezıdent qaıtys bolǵan jaǵdaıda, laýazymynan bosatylsa, otstavkaǵa ketse nemese eki aıdan astam ýaqyt syrqattanyp qalsa, bılik onyń birinshi orynbasaryna ótedi» delingen.

Qazir Irannyń vıtse-prezıdenti — 69 jastaǵy Muhammed Mohber. Ol eldegi qamqorshylar keńesin basqarady. Mohberge 2007 jyldan beri aıatolla Hameneı buıryqtarynyń oryndalýyn qadaǵalaý júktelgen.

Endi Iran bıligi 50 kún ishinde jańa prezıdentti saılaýy kerek. Bul da eldiń ata zańynda kórsetilgen. Kelesi basshynyń saılaýyn uıymdastyrý vıtse-prezıdent pen parlament spıkerine jáne sot bıliginiń basshysyna júktelgen.

Aıta keteıik, 63 jastaǵy Ebrahım Raısı Iran prezıdenti bolyp 2021 jyly saılanǵan. Kelesi prezıdenttik saılaý 2025 jylǵa josparlanǵan edi.

Reuters agenttiginiń habarlaýynsha, prezıdenttiń tikushaq apatyna Irannyń saıası, áleýmettik jáne ekonomıkalyq daǵdarys máseleleri sebep bolýy múmkin. Eldiń dinı bıleýshileri ıadrolyq qarýǵa kózqarastary men Ýkraınadaǵy soǵys kezinde Reseımen áskerı baılanys ornatqany úshin halyqaralyq qysymǵa tap boldy.

Jalpy Iran ıslam respýblıkasynyń rýhanı pursatty toptar (ısteblıshment) men úkimetten quralatyn basqarý júıesinde saıası máseleler boıynsha sheshim qabyldarda sońǵy sózdi ylǵı da 85 jastaǵy Rýhanı kóshbasshy Raısı aıatolla Alı Hameneı aıtady.  Bul júıe 1989 jyldan beri jumys istep keledi.

Marqum Ebrahım Raısı Irannyń kelesi Rýhanı kóshbasshysy bolýǵa birden-bir úmitker bolatyn.

Aýdarǵan: Altynbek Ámıt