01:00, 27 Sáýir 2025

Irannyń ońtústigindegi portta bolǵan jarylystan mert bolǵandar sany 8-ge jetti

ASTANA. KAZINFORM – Irannyń ońtústigindegi Shahıd-Radjaı portynda bolǵan jarylystan zardap shekkender sany 750-ge jetti, 8 adam mert bolǵan. Qazir oqıǵa ornynda órt sóndirý jumystary júrip jatyr. Bul týraly ıslam meleketiniń ishki ister mınıstri Eskandar Momenı málim etti, dep jazady rseılik TASS.

Foto: Baku TV

- Qazir basty maqsat - zardap shekkenderdi qutqaryp, órtti sóndirý. Osy kezde 750 adam jaraqat alyp, 8 adam qaza boldy, - dedi ol IRIB telearnasynyń efırinde.

- Oqıǵa ornynda qutqarýshylar men quqyq qorǵaý organdarynyń ókilderi jumys istep jatyr. Aldaǵy bineshe saǵatta jaǵdaı tolyqtaı baqylaýda bolady degen úmittemiz,-dedi ol.

Qýatty jarylys senbi kúni tańda Parsy shyǵanaǵy jaǵalaýynda, Irannyń Bender-Abbas qalasy mańynda boldy. Oqıǵa ornyna eldiń Іshki ister mınıstri Eskandar Momenı keldi. Jarylystyń resmı sebebi ázirge belgisiz.

Osyǵan deıin Iran portyndaǵy jarylystan zardap shekkender sany 500-den asqanyn jazdyq.

Memleket basshysy Iran Prezıdentine kóńil aıtý jedelhatyn joldady.

Irannyń jarylys bolǵan portynyń Qazaqstan úshin mańyzy qandaı ?

 

Jarylys Iran Álem
Aıdar Ospanalıev
2000 jyly Ál-Farabı atyndaǵy QazMUÝ-dyń jýrnalıstıka fakýltetin bitirgen. Jýrnalıstıka salasynda 2000-shy jyldan beri qyzmet etip keledi.