Irannyń kómir shahtasynda jarylys bolyp, 30 adam qaza tapty

<p>ASTANA. KAZINFORM &mdash; Irannyń Tabas qalasyndaǵy kómir shahtasynda metannyń aǵýy saldarynan kúshti jarylys boldy. Saldarynan 30 adam qaza taýyp, taǵy 17 adam jaraqat aldy, dep habarlaıdy <a href="https://www.aljazeera.com/news/2024/9/22/at-least-30-killed-in-iran-coal-mine-blast-state-media" target="_blank" rel="noopener">aljazeera.com.</a></p>

Shahta týnnelderinde áli 24 adam qalyp qoıǵan. Ázirge tek 28 ırandyq óz betimen qashyp úlgerdi. Olar aýrýhanaǵa jatqyzyldy.

Tabas kómir kenishi el astanasy Tegerannan 540 shaqyrym jerde ornalasqan.

Iran prezıdenti Masýd Pezeshkıan shahtada qalǵan kenshilerdi qutqarý jáne olardyń otbasylaryna kómek kórsetý úshin bar kúsh-jigerdi salýdy buıyrdy. Sondaı-aq ol oqıǵaǵa qatysty tergeý bastalǵanyn aıtty.

Bul Irannyń taý-ken ónerkásibinde bolǵan alǵashqy apat emes. 2013 jyly osyndaı eki oqıǵa bolyp, 11 jumysshy qaza tapty. 2009 jyly birneshe oqıǵa bolyp, 20 jumysshy qaıtys boldy. 2017 jyly kómir shahtasynda jarylys bolyp, kem degende 42 adam kóz jumdy.

Buǵan taý-ken aımaqtarynda qaýipsizdik standarttarynyń jetkiliksizdigi men tótenshe jaǵdaılar qyzmetiniń bolmaýy sebep ekeni aıtylady.

Buǵan deıin Qytaı shahtasynda apat bolyp, jeti adam qaza tapqanyn jazǵan bolatynbyz.