Irandaǵy ushaq apaty: Konsýldyq máseleler boıynsha jumys toby quryldy

TEGERAN. IRNA - QazAqparat – Iran Syrtqy ister mınıstrliginiń resmı ókili Abbas Mýsavı Tegeranda qulaǵan Ýkraına ushaǵynda qaıtys bolǵandardyń isi boıynsha Konsýldyq máseleler jónindegi jumys toby qurylǵanyn habarlady.

Bul týraly Irannyń Irna agenttigi habarlady.

Aıta keteıik, Kıevke ushyp bara jatqan «Ýkraına halyqaralyq áýe jelisi» kompanııasynyń Boeing 737-800 ushaǵy 8 qańtarda sársenbi kúni Tegeran áýejaıynan ushyp shyqqan soń apatqa ushyrady. Ushaqta bolǵan 176 adam túgel mert boldy. 167 jolaýshynyń arasynda Iran, Ýkraına, Kanada, Germanııa, Shvetsııa jáne Aýǵanstan azamattary bolǵan jáne 9 ekıpaj múshesi bar.

Ol Iran Islam Respýblıkasynyń saıası jáne konsýldyq mıssııasynyń ókilderi mert bolǵan azamattardyń otbasylarynyń qajettilikterin jiti qadaǵalap otyrǵanyn aıtty.

«Iran syrtqy ister mınıstrliginde ushaq qulaýy kezinde qaza tapqandardyń otbasyna qajetti kómek kórsetetin arnaıy jumys toby quryldy», - dep málimdedi Mýsavı.

Ol Iran Islam Respýblıkasynyń saıası jáne konsýldyq mıssııasynyń mert bolǵandar otbasylaryna qajetti kómek kórsetetinin atap ótti.