Irandaǵy prezıdenttik saılaýda reformator Pezeshkıan kósh bastap tur

<p>ASTANA. KAZINFORM &mdash; Iranda 14-shi prezıdenttik saılaýda juma kúni daýys berý ótti. Daýystardy sanaý saılaý ýchaskeleri jabylǵannan keıin birden <a href="https://www.inform.kz/ru/prezidentskie-vibori-v-irane-nachalsya-podschet-golosov-f6cce5" target="_blank" rel="noopener">bastalyp</a>, osy saǵatqa deıin jalǵasyp jatyr. Aldyn ala nátıjeler Masýd Pezeshkıan men Saıd Djalılı arasyndaǵy básekelestiktiń joǵary ekenin kórsetedi.</p>

Iran saılaý shtabynyń baspasóz hatshysy Mohsen Eslamı aldyn-ala nátıjelerdi jarııalady. Senbi kúni tańǵy saǵat 09:43-te (Astana ýaqyty boıynsha 11:13) 19 mıllıonnan astam bıýlleten esepteldi. Olardyń nátıjesi boıynsha Masýd Pezeshkıan 8,3 mıllıonnan astam daýys jınady, al onyń qarsylasy, burynǵy ıadrolyq baǵdarlama kelissózshisi Saıd Djalılı 7,2 mıllıonnan astam daýys jınady, dep habarlaıdy IRNA agenttigi.

Odan ári parlament spıkeri Mohammad Bager Galıbaf 2,7 mln daýys jınasa, Іshki ister jáne Ádilet mınıstrliginiń burynǵy basshysy Mostafa Pýrmohammadı 158 314 daýysqa ıe boldy.

Kelýshiler sany áli jarııalanǵan joq. Іshki ister mınıstrligi alǵashqy nátıjelerdi búgin kútýge bolatynyn aıtty.