Irandaǵy ot festıvali kezinde 26 adam qaza tapty

<p>TEGERAN. KAZINFORM &ndash; Iranda Chaharshanbe-Sýrı ot festıvalin toılaý kezinde 26 adam qaza taýyp, 4360 adam jaraqat alǵan. Bul týraly <a href="https://en.mehrnews.com/news/212858/Chaharshanbeh-Suri-fire-festivity-in-Iran" target="_blank" rel="noopener">&laquo;Mehr&raquo;</a> agenttigi habarlady.</p>

Bul merekede ırandyqtar ottyń ústinen sekirý jáne pırotehnıkalyq zattardy durys paıdalanbaý saldarynan kúıip qalady. Ótken jyly bul mereke kezinde 700-den astam adam jaraqat alyp, kem degende 17 adam qaıtys bolǵan.

TASS agenttiginiń jergilikti aqparat kózderine súıene otyryp habarlaýynsha, Irannyń tótenshe jaǵdaılar qyzmetiniń basshysy 1400-ge jýyq shuǵyl medıtsınalyq pýnkt merekelerge daıyn ekenin aıtqan. Tek Tegerannyń ózinde bir kúnde órt qaýpi týraly 1800 qońyraý túsip, astananyń 2 turǵyny qaza tapqan.

Chaharshanbe-Sýrı – Irandaǵy kóne ot merekesi, kóktemniń kelýi men tabıǵattyń qaıta jandanýyn bildiredi.

Chaharshanbe-Sýrı kúntizbelik jyldyń sońǵy sársenbisine qaraǵan túni toılanady (Iranda sársenbi «chaharshanbeh» dep atalady), biraq merekeniń ózi eki-úsh apta buryn bastalady.

Dástúr boıynsha ırandyqtar tátti jáne qyshqyl jańǵaqtardyń erekshe qospasyn jep, keshke kóshede ot jaǵyp, ústinen sekiredi. Qazirgi merekelik dástúrlerde pırotehnıkalyq zattardy qoldanylady.