Iranda WhatsApp pen Google Play jumys isteı bastady

<p>ASTANA.KAZINFORM - Elde qosymshalardy paıdalanýǵa salynǵan tyıym alynyp tastaldy, dep habarlaıdy <a href="https://ru.irna.ir/news/85699887/%D0%92-%D0%98%D1%80%D0%B0%D0%BD%D0%B5-%D1%81%D0%BD%D1%8F%D1%82%D1%8B-%D0%B7%D0%B0%D0%BF%D0%B5%D1%80%D1%82%D1%8B-%D0%BD%D0%B0-WhatsApp-%D0%B8-Google-Play" target="_blank" rel="noopener">IRNA </a>agenttigi.</p>

IRNA agenttiginiń habarlaýynsha, Irannyń Kıberkeńistik joǵary keńesiniń músheleri biraýyzdan keıbir tanymal sheteldik platformalarǵa, sonyń ishinde WhatsApp pen Google Play-ge kirýge qoıylǵan shekteýlerdi alyp tastaýǵa daýys berdi.

Jıynda buǵattaý saıasatyn qaıta qaraý máselesi kóterilip, buǵan deıin zerdelengen túrli vedomstvolardyń pikirleri talqylanyp, osyndaı sheshim qabyldandy.

Keńes músheleri otandyq platformalardy qoldaý qajettigin de atap ótti.

Aıta keteıik, 2022 jyldyń qyrkúıek aıynda Iranda hıdjapty durys kımegeni úshin aıyptalǵan 22 jastaǵy Mahsa Amınıdiń ólimine baılanysty narazylyqtar bastalǵannan keıin elde messenjer men qoldanbalar buǵattalǵan bolatyn. Sol ýaqytta Instagram-ǵa da tyıym salyndy.

Irannyń bas prokýratýrasy 2014 jyly WhatsApp pen Viber jelilerine kirýge tyıym salýdy talap etken bolatyn.