Iranda Ulybrıtanııa elshisin birneshe saǵat ustap, qaıta jiberdi

TEGERAN. TASS - QazAqparat – Irannyń quqyq qorǵaý organdary Tegerandaǵy narazylyq sharalary barysynda Ulybrıtanııanyń elshisi Robert Makeırdi birneshe saǵat ustap, qaıta bosatty, dep habarlaıdy Reseılik TASS agenttigi.

AQSh-tyń Memlekettik departamenti Tegeran Ulybrıtanııa elshisi Robert Makeırdi ustaı otyryp, halyqaralyq quqyq normalaryn buzdy, sol úshin Iran bıligi Londonnan keshirim suraýy kerek degen pikirde, dep jazdy reseılik TASS.

«Iran rejımi osy eldegi Ulybrıtanııa elshisin ustady. Bul Vena konventsııasynyń talaptaryn buzý degen sóz. Biz rejımniń resmı túrde Ulybrıtanııa aldynda keshirim surap, barlyq dıplomattardyń quqyqtaryn saqtaýǵa shaqyramyz»,-dep jazdy senbi kúni óziniń Twitter-degi paraqshasynda AQSh Memlekettik departamenti baspasóz qyzmetiniń basshysy Morgan Ortegýs.

Tegeranda senbi kúni Ámir Qabir atyndaǵy Tehnologııalyq ýnıversıtet ǵımaraty aldynda júzdegen demonstrant jınalyp, Irannyń joǵarǵy kóshbasshysy aıatolla Hameneıdiń otstavkaǵa ketýin talap etti, dep habarlaıdy bbc.com.

Iran áskerıleriniń sársenbi kúni ýkraınalyq ushaqtyń qatelesip atyp túsirgenine ashýlanǵan demonstranttar «Bas qolbasshy ket!»-dep aıqaılady.

Ushaqta bolǵan 176 adamnyń barlyǵy mert boldy. Olardyń arasynda 83 Iran azamaty jáne Iranda turatyn kanadalyqtar bolǵan. Olardyń barlyǵy kóz jumdy.

Sonymen qatar eldegi tanymal joǵary oqý oryndarynyń biri Sharıf atyndaǵy Tehnologııalyq ýnıversıtet ǵımaratynyń aldynda da narazylyq sharalary ótip jatqandyǵy týraly málimet túsken. Keıbir derekterge qaraǵanda, Tegeran maǵyna qulaǵan ushaqta mert bolǵandardyń arasynda osy oqý ornyn bitirgen 10 adam bolǵan.

Tegerannyń eki ýnıversıtetinde bolyp jatqan jaǵdaılar týraly IRNA men ISNA agenttikteri habarlady.

Osyǵan deıin Iranda 180 jolaýshysy bar Ýkraına ushaǵy qulaǵany týraly málim boldy.

Artynan Qazaqstannyń Syrtqy ister mınıstrligi ushaqta Qazaqstan azamattarynyń joq ekenin habarlady.

Tegeranda qulaǵan Ýkraına ushaǵyndaǵy jolaýshylardyń barlyǵy mert bolǵany anyqtaldy.

Kanada premer-mınıstri Iran jolaýshylar laınerin abaısyzda atyp jiberý múmkin degen boljamyn jarııalady.

Al keshe Iran Iran Qarýly Kúshteriniń Bas shtaby Tegeran mańynda qulaǵan ushaqty Irannyń Áýe qorǵanys kúshteri qyzmeti zymyranmen baıqaýsyzda atyp túsirgenin málimdedi.

Iran Prezıdenti Hasan Roýhanı Ýkraına ushaǵynyń qulaýyna kináliler qylmystyq jaýapqa tartylatynyn aıtty.