Iranda sodyrlardyń shabýylynan 11 polıtsııa qyzmetkeri qaza tapty

<p>Irannyń ońtústik-shyǵysyndaǵy Sıstan jáne Belýdjıstan provıntsııalaryndaǵy polıtsııa bólimderine jasalǵan shabýyldan keminde 11 polıtsııa qyzmetkeri qaza tapty, dep habarlaıdy Kazinform <a href="https://www.bbc.com/russian/articles/c6p1rlqngv2o" target="_blank" rel="noopener">BBC</a> agenttigine silteme jasap.</p>

Agenttiktiń habarlaýynsha, shabýyldaýshylardyń birnesheýi atyp óltirilgen.

«Rask qalasyndaǵy polıtsııanyń shtab-páterine jasalǵan terrorıstik shabýyl barysynda 11 polıtsııa qyzmetkeri qaza taýyp, taǵy birnesheýi jaraqat alǵan»,-dep habarlady provıntsııa gýbernatorynyń orynbasary Alıreza Marhamatı.

«Polıtsııa qyzmetkerleri erlikpen qorǵandy jáne birneshe shabýyldaýshyny jaraqattady».

Shabýyl tún jarymynda jasalǵan jáne ol keınigi jyldardaǵy eń qanquıly oqıǵa dep baǵalanyp otyr.

Bul áreket úshin jaýapkershilikti 2012 jyly qurylyp, Irannyń terrorlyq uıymdar tizimine engizilgen «Djaesh Al-Adl» (Ádildik áseri) musylman-súnıttter toby alyp otyr.

Keıinirek memlekettik aqparattyq IRNA agenttigi 7 polıtsııa qyzmetkeriniń jaraqat alǵanyn, olardyń keıbiriniń jaǵdaıy múshkil ekenin habarlady.

Oqıǵa ornyna Sıstan jáne Belýdjıstan provıntsııalarynyń polıtsııa bastyǵy keldi. Iran bıliginiń habarlaýynsha, jaǵdaı Iran bıliginiń baqylaýynda, tergeý bastaldy.