Iranda shańdy daýyl turyp, myńnan astam adam aýrýhanaǵa tústi
21:35, 29 Maýsym 2023
TEGERAN. ANADOLY. QazAqparat – Irannyń ońtústik-shyǵysyndaǵy Sıstan jáne Belýdjıstan provıntsııalarynda shańdy daýyl turyp, saldarynan myńnan astam adam aýrýhanaǵa tústi, bir adam qaıtys boldy. Bul týraly QazAqparat Anadoly aqparat agenttigine silteme jasap habarlaıdy.
IRNA agenttiginiń habarlaýynsha, ótken aptada Sıstan men Belýdjıstanda jel kúsheıip, usaq shań paıda bolýyna baılanysty keminde 1 191 adam medıtsınalyq kómekke júgingen.
«Bir adam tynys alý problemalarynan bolǵan asqynýdan qaıtys boldy», – dedi provıntsııanyń apattarǵa qarsy kúres basqarmasynyń basshysy Medjıd Mohıbbı.
Dárigerlerdiń aıtýynsha, zardap shekkenderdiń basym bóligi kórý, tynys alý jáne júrek problemalaryna baılanysty em qabyldaýǵa júgingen.