Iranda prezıdenttik saılaýǵa úmitkerlerdi tirkeý bastaldy

<p>ASTANA. KAZINFORM &ndash; Iranda 30 mamyr, beısenbi kúni prezıdenttikke kandıdattardy resmı tirkeý bastaldy. Elde merziminen buryn saılaý Islam respýblıkasynyń prezıdenti qyzmetin atqarǵan Ebrahım Raısıdiń ushaq apatynan qaıtys bolýyna baılanysty 28 maýsymda ótedi. Bul týraly <a href="https://www.dw.com/ru/v-irane-registriruut-kandidatov-na-dosrocnye-vybory-prezidenta/a-69228159" target="_blank" rel="noopener">DW</a> aqparat agenttigi.&nbsp;</p>

– Tirkelý úshin úmitkerler aldaǵy 5 kún ishinde Irannyń Іshki ister mınıstrligine jeke kelýi kerek. Kandıdattardy tirkegennen keıin 12 músheden turatyn Konstıtýtsııany qorǵaýshylar keńesi prezıdenttikke kandıdattardyń ıdeologııalyq turǵydan jaramdylyǵyn sheshedi, - dep atap ótti dpa agenttigi. 

Keńes maquldanǵan kandıdattardyń túpkilikti tizimin 11 maýsymda jarııalaıdy. Sodan soń saıasatkerlerge saılaýaldy naýqan júrgizýge eki apta ýaqyt beriledi. Eger saılaýdyń birinshi týrynda úmitkerlerdiń eshqaısysy absolıýtti kópshilik daýysyn jınaı almasa, 5 shildede ekinshi týr ótip, onda bolashaq prezıdent anyqtalady. 

Iran prezıdenti 4 jyldyq merzimge saılanady jáne bul laýazymdy qatarynan eki ret merzimnen artyq emes ýaqyt ishinde atqara alady. 

Eske sala ketsek, 19 mamyr, jeksenbi kúni Shyǵys Ázerbaıjannyń Varzakan aımaǵyndaǵy Tebrız qalasyna ushyp bara jatyp apatqa ushyraǵan Iran Islam Respýblıkasynyń segizinshi prezıdenti Aıatolla Seıed Ibrahım Raısı qasyndaǵy resmı tulǵalarmen birge qaıtys boldy.