Iranda prezıdent saılaýy 28 maýsymda ótedi

<p>ASTANA. KAZINFORM &ndash; Iran úkimeti dúısenbi kúni eldegi 14-shi prezıdenttik saılaýdy 28 maýsymda ótkizý týraly sheshim qabyldady. Bul týraly Irannyń Irna agenttigine silteme jasap <a href="https://russian.news.cn/20240521/1a743508425a4ff1aa0784cdfdf08b9b/c.html" target="_blank" rel="noopener">Sınhýa</a> habarlady.</p>

Saılaý kúni búginde prezıdent qyzmetin atqaryp jatqan Irannyń birinshi vıtse-prezıdenti Muhammad Mohber, sot júıesiniń basshysy Golam Hoseın Mohsenı-Edjeı, Parlament spıkeri Mohammad Bager Galıbaf, sondaı-aq prezıdenttiń quqyqtyq máseleler jónindegi vıtse-prezıdenti Mohammad Dehgan men Irannyń Konstıtýtsııalyq keńesi men Іshki ister mınıstrligi ókilderi qatysqan otyrysta belgili boldy, delingen habarlamada.

Iran prezıdenti Ibrahım Raısı men onymen janynda bolǵan komandanyń keıbir músheleri, sonyń ishinde Syrtqy ister mınıstri Hoseın Amır Abdollahııan dúısenbi kúni tańerteń Tegerannan shamamen 670 shaqyrym jerdegi Varzakan aýdany mańynda qulaǵan tikushaqtyń synyqtary tabylǵannan keıin qaıtys boldy, dep jarııalandy.

Iran Konstıtýtsııasynyń 131-babyna sáıkes, eger prezıdent óz mindetin atqara almasa, atqarýshy bılik ýaqytsha birinshi vıtse-prezıdenttiń qolyna ótedi, ol 50 kún ishinde jańa prezıdentti saılaýdy uıymdastyrýǵa mindetti.

Kezdesý barysynda qatysýshylar sonymen qatar atqarýshy delegatsııalardy jasaqtaý, kandıdattardy tirkeý jáne saılaý naýqandaryn bastaýdy qamtıtyn saılaý protsesiniń kestesin jasady, dep habarlaıdy IRNA.

«Kestege sáıkes, tirkeý 30 mamyrdan 3 maýsymǵa deıin júrgiziledi, sodan keıin kandıdattar 12-27 maýsym aralyǵynda saılaýaldy úgit-nasıhat jumystaryn júrgizýi tıis», - delingen habarlamada.

IRNA málimetterinshe, Konstıtýtsııalyq keńes kesteni bekitti.