Iranda koronavırýsqa qarsy vaktsınalaý bastalady
11:00, 07 Aqpan 2021
TEGERAN. IRNA - QazAqparat – Iranda aldaǵy kúnderi koronavırýsqa qarsy ekpe egý bastalady. Bul týraly Iran prezıdenti Hasan Rýhanı málimdedi, dep habarlaıdy QazAqparat IRNA agenttigine silteme jasap.
«Barlyq uıymdar koronavırýsqa qarsy vaktsınatsııaǵa daıyndaldy jáne vaktsınanyń alǵashqy toptamasy elge jetkizildi», - dedi ol koronavırýsqa qarsy ulttyq shtabtyń otyrysynda.
Onyń sózinshe, elde koronavırýsqa qarsy vaktsına egý 10 aqpanǵa deıin bastalady.
Birinshi bolyp dárigerler, medıtsına qyzmetkerleri, qarttar men turǵyndardyń osal toptaryna ekpe jasalady.
Iranda qazirgi kúnge deıin 1 mln 452 myń 380 adam koronavırýs juqtyrdy, onyń 58 336-y qaıtys boldy.