Iranda kontrafaktili ishimdik ishken 48 adam kóz jumdy

<p>ASTANA. KAZINFORM &ndash; Irannyń tórt provıntsııasynda sońǵy ýaqytta metıl spırtinen jasalǵan kontrafaktili alkogoldi ishken adamdardyń ólimi men ýlaný faktisi artyp keledi. Jasandy sýsyndardy óndirýmen aınalysqan kúdiktiler qamaýǵa alyndy, biraq óte qaýipti sýsyndar Iran naryǵynda áli de bar, dep jazady <a href="https://www.hamshahrionline.ir/news/890699/%D9%81%D9%88%D8%AA%DB%8C-%D9%87%D8%A7%DB%8C-%D9%85%D8%B5%D8%B1%D9%81-%D8%A7%D9%84%DA%A9%D9%84-%D8%AA%D9%82%D9%84%D8%A8%DB%8C-%D8%AF%D8%B1-%DA%AF%DB%8C%D9%84%D8%A7%D9%86-%D8%A8%D9%87-%DB%B1%DB%B8-%D9%86%D9%81%D8%B1-%D8%B1%D8%B3%DB%8C%D8%AF-%DB%B5-%D9%86%D9%81%D8%B1-%D8%AF%D8%B3%D8%AA%DA%AF%DB%8C%D8%B1" target="_blank" rel="noopener">Hamshahri.</a></p>

Basylymnyń habarlaýynsha, eldiń tórt oblysynda metıl spırtinen jasalǵan alkogol ónimderin tutyný saldarynan kóz jumǵandar jáne kórý qabiletinen aıyrylǵandar sany artyp keledi. 

Osy ýaqytqa deıin 48 adamnyń qaıtys bolǵany belgili bolǵan. Olardyń jartysynan astamy Mazondaran aımaǵyn, qalǵany Gılan, Zandjan jáne Hamadan aımaqtaryn meken etken. Tórt provıntsııada júzdegen adam ýlanyp aýrýhanaǵa túsken, olardyń keıbireýleri kórý qabiletinen aıyryldy.

Qaıtys bolǵandar men zardap shekkenderdiń qandaı sýsyn ishkeni jáne ony qaı kompanııa jasaǵany týraly aqparat joq. Kontrafaktilik ónimderdi daıyndaýǵa jáne taratýǵa qatysy bar kúdiktiler ustalǵanymen, úkimet qaýipti ónimderdi naryqtan júıeli túrde alyp tastaýǵa qaýqary jetpeı otyr.