Iranda kólemi 15 mıllıard barrel bolatyn jańa munaı qory tabyldy

ASTANA. QazAqparat - Iranda jalpy kólemi 15 mlrd barrel bolatyn munaı qory tabyldy, onyń 2 mıllıard barreli óndiriletin munaı, -delingen Irannyń Ulttyq (NIOC) kompanııasynyń habarlamasynda.

Buǵan qosa, Iran ózi óndiretin gaz quramyn da 1,8 trln tekshe metrge ulǵaıtpaqshy. Bul týraly NIOC kompanııasy basqarýshysy Alı Kardor málim etken.

Ol sonymen qatar, atalǵan rezervterdi paıdalaný úshin mol kólemde ınvestıtsııa men zamanaýı tehnologııalar qajettigin aıtady, dep jazdy Rıa Novostı agenttigi.

Kardor sonymen qatar Iran ókilderiniń sáýir aıyna deıin-aq munaı óndirýdi táýligine 4 mıllıon barrelge deıin jetkizýdi qolǵa alatynyn atap ótti. Sanktsııa alynǵan ýaqytta, ıaǵnı 2016 jyldyń qańtar aıynan bastap, munaı óndirý kólemi táýligine 2 barrel ǵana bolatyn.