Iranda qazaqstandyqtar úshin 14 kúndik vızasyz rejım engiziledi

ASTANA. QazAqparat – Qazaqstandyqtar ár jarty jylda Iranda 42 kúnge deıin vızasyz júre alady. Syrtqy ister mınıstrliginiń resmı ókili Aıbek Smadııarov vedomstvonyń brıfınginde atalǵan kelisimniń tártibin túsindirdi, dep habarlaıdy QazAqparat tilshisi.

«Iran Islam Respýblıkasynyń Úkimeti 2022 jylǵy 11 qarashadan bastap eki el arasyndaǵy qarym-qatynasty damytý jáne nyǵaıtý maqsatynda Qazaqstan azamattary úshin vızasyz rejım engizedi. Bul bizdiń azamattarymyzǵa Irannyń aýmaǵynda 14 kúnge deıin bolýǵa múmkindik beredi», -dedi Aıbek Smadııarov mınıstrlikte ótken brıfıngte.

Sondaı-aq ol osyǵan uqsas kelisim Úndistan jáneQytaı elderimen de ornatylǵanyn aıtty.

«Qazaqstan Úkimetiniń 2022 jylǵy 7 shildedegi №464 qaýlysymen qolaıly ahýaldy qalyptastyrý, iskerlik baılanystardy jandandyrý jáne elimizdiń týrıstik áleýetin odan ári júzege asyrý maqsatynda Iran, Qytaı jáne Úndistannyń azamattary úshin vızasyz kirý tártibi engizildi. Osy sheshim atalǵan shet elderdiń azamattaryna Qazaqstannyń aýmaǵynda kúntizbelik 14 kúnge deıin 180 kúntizbelik kúndi qamtıtyn árbir kezeń ishinde jalpy alǵanda 42 kúnge deıin vızasyz bolýǵa múmkindik beredi», - dedi SІM resmı ókili.

Bul rette Aıbek Smadııarov qazaqstandyqtarǵa 180 kún ishinde 14 kúnnen 42 kúnge deıin vızasyz bolý múmkindigin usyný kelisimi tek Iranmen ǵana orantylǵanyn naqtylady.

Foto: pinterest.com