Iranda hıdjab kımegen aktrısalar endi kınoǵa túse almaıdy

<p>Iranda hıdjab kııýden bas tartqany úshin kınoǵa túsýge tyıym salynǵan aktrısalardyń resmı tizimi jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform</a> bul týraly <a href="https://www.dw.com/ru/v-irane-aktrisam-kotorye-ne-zelaut-nosit-hidzab-zapretili-snimatsa-v-filmah/a-67220843" target="_blank" rel="noopener">DW</a> jańalyqtaryna silteme jasap.</p>

Bul týraly seısenbi, 25 qazan kúni Iran kıno ónerin kásibı baǵalaý jáne qadaǵalaý basqarmasy basshysynyń orynbasary Habıb Il Begı IRNA memlekettik aqparat agenttigine bergen suhbatynda aıtty.

Atalǵan tyıymnyń buǵan deıin qarajat jumsalyp túsirilip qoıǵan kıno aktrısalaryna qatysy joq. Alaıda olarǵa jańa kınojobalarǵa túsýge ruqsat berilmeıdi.

«Shekteýlerge baılanysty bul aktrısalar budan bylaı kınodaǵy mansabyn jalǵastyra almaıdy. Olardyń burynǵy týyndylary qomaqty qarajat salynyp qoıǵandyqtan kınoprodıýserlerdiń múddesin qorǵaý maqsatynda birtindep jaryqqa shyǵady. Biraq aldaǵy ýaqytta túsiriletin fılmderge túsýine tyıym salynady», - dedi sheneýnik.

Fılmge túsýge tyıym salynǵan aktrısalardyń «qara tizimine» Baran Kosarı, Vıshka Asaıesh, Tarane Alıdýstı, Kataıýn Rıahı, Pantea Bahram, Hengame Gazıanı, Pega Ahangaranı jáne basqa tanymal ıran aktrısalary kirdi.