Iranda esirtkige táýeldi adamdarǵa arnalǵan ortalyqtaǵy órtten 32 adam mert boldy

<p>Irannyń soltústigindegi Gılıan provıntsııasynda juma kúni bolǵan órtten 32 adam qaza taýyp, 17 turǵyn zardap shekti. <a href="Kazinform" target="_blank" rel="noopener">Kazinform </a>bul týraly Sınhýa agenttigine silteme jasap habarlaıdy.</p>

Gılıan gýbernatorynyń saıasat, qaýipsizdik pen áleýmettik qamsyzdandyrý máseleleri boıynsha orynbasary Mohammad Djalaıdiń sózine silteme jasap agenttik habarlaýynsha, órt Lengerýd oblysyndaǵy esirtkige táýeldi adamdardy ońaltýǵa arnalǵan ortalyq ǵımaratynda tańerteń tutanǵan.

Onyń aıtýynsha, zardap shekkenderdiń tórteýine ıntýbatsııa qajet bolǵan, basqalarynyń jaǵdaıy qalypty. Sondaı-aq sheneýnik ortalyq 40 naýqasqa arnalǵanyn atap ótti.

"Iran sot bıliginiń basshysy Golamhosseın Mohsenı-Edjeı oqıǵany jan-jaqty tergeýdi tapsyrdy", - delingen Tasnım jartylaı resmı aqparat agenttiginiń habarlamasynda.

Órttiń sebebi muqııat tekserý júrgizilgennen keıin jarııalanady, dep jazdy agenttik Gılıan provıntsııasy Ádilet departamentiniń basshysy Esmaıl Sadekı-Nıarakıdiń málimdemesin.

"Qazirgi ýaqytta qajet sot buıryǵynyń bári berildi, ońaltý ortalyǵy basshylyǵy baqylaýǵa alynsa, dırektory qamaldy", - dep atap ótti E. Sadekı-Nıarakı.

Sondaı-aq ol zardap shekkenderdiń bári aýrýhanaǵa jetkizilgenin aıtty.