Iranda 46,8 mln adam koronavırýs vaktsınasynyń birinshi dozasyn aldy

NUR-SULTAN. QazAqparat – Iranda halyqtyń 46,8 mıllıonnan astamy koronavırýsqa qarsy vaktsınanyń birinshi dozasyn qabyldady. Bul týraly Qazaqstanda COVID-19 taralýyna jol bermeý jónindegi vedomstvoaralyq komıssııanyń Telegram-kanalynda málim etildi, dep habarlaıdy QazAqparat.

Irannyń Densaýlyq saqtaý mınıstrliginiń málimetinshe, sońǵy 24 saǵat ishinde COVID-12 juqtyrýdyń 12 298 jańa jaǵdaıy anyqtaldy, 1 699 adam aýrýhanaǵa jatqyzyldy. Koronavırýs ınfektsııasy pandemııasynan qaıtys bolǵandar sany 123 275-ke jetti. Ótken táýlikte 194 naýqas qaıtys boldy. Sheneýnikter COVID-19 juqtyrǵan 5 026 patsıent ıntensıvti terapııa bólimshelerinde aýyr halde jatqanyn aıtady. Qazirgi ýaqytta 46 809 100 ırandyq koronavırýsqa qarsy vaktsınanyń birinshi dozasyn alǵan.

AQSh-ta turǵyndardyń 77% koronavırýsqa qarsy vaktsınanyń birinshi komponentin alǵan. Kóptegen kompanııalar vaktsınatsııa mandatyn qabyldaǵannan keıin COVID-19-ǵa qarsy vaktsınatsııa deńgeıi 20% astamǵa ósti. Sonymen birge, indetti jańadan juqtyrý faktileri men ólim-jitim azaıdy, dep habarlady Aqúıdiń pandemııaǵa qarsy úılestirýshisi Djeff Zaıents. Ekpe mandattaryn jeke kásiporyndar, densaýlyq saqtaý júıeleri, áleýmettik mekemeler, memlekettik organdar jáne jergilikti ózin-ózi basqarý organdary engizdi.