Iran Raısıdiń tikushaǵy apatyna qatysty tergeýdi aıaqtady

<p>ASTANA. KAZINFORM &ndash; Iran prezıdenti Ibrahım Raısı qaza tapqan tikushaq apatyn zerttegen komıssııanyń qorytyndy esebine sáıkes, apatqa aýa raıynyń qolaısyzdyǵy sebep bolǵan, dep habarlaıdy <a href="https://t.me/bbcrussian/69836" target="_blank" rel="noopener">VVS</a>.</p>

63 jastaǵy Raısı men qasynda erip júrgen resmı tulǵalar mingen tikushaq 19 mamyrda Irannyń soltústik-batysynda tuman basqan taý baýraıyna qulaǵan. Saldarynan prezıdent pen taǵy jeti adam qaza tapty.

Esepte apattyń «aımaqtaǵy qıyn klımattyq jaǵdaılarǵa» baılanysty oryn alǵany jáne tikushaqtyń taýǵa soqtyǵysýyna «qalyń tumannyń kenetten paıda bolýy» sebep bolǵany aıtylǵan.

Raısı Amerıkada shyǵarylǵan Bell 212 tikushaǵymen ushqan.

Ol Ázerbaıjanmen shekaralas Irannyń Shyǵys Ázerbaıjan provıntsııasynan qaıtyp kele jatqan.