Iran prezıdenttigine alǵashqy áıel úmitker retinde tirkeldi
03:00, 03 Maýsym 2024
<p>ASTANA. KAZINFORM — Irannyń burynǵy depýtaty, ǵalym Zohre Elahıan prezıdent Ibrahım Raısı ushaq apatynan qaıtys bolǵannan keıin belgilengen kezekten tys prezıdent saılaýyna úmitker retinde tirkelgen alǵashqy áıel boldy. Bul jaıynda <a href="https://en.mehrnews.com/news/215988/Zohre-Elahian-enters-Iran-s-presidential-election-race" target="_blank" rel="noopener">Mehr</a> agenttiginen habarlandy. </p>
4 maýsymnan bastap Konstıtýtsııany saqtaýshylar keńesi kandıdattardy bir apta boıy qarap, kandıdattyń el prezıdenti laýazymyna saı keletin-kelmeıtinin anyqtaıdy.
Sońǵy tizim 11 maýsymda jarııalanady.
Saılaý naýqany eki aptaǵa — 12 maýsymnan 26 maýsymǵa deıin jalǵasady.
Saılaýǵa bir kún qalǵanda «únsizdik kúni» jarııalanady, bul ýaqytta úgit-nasıhat jumysyn júrgizýge tyıym salynady.
Prezıdent saılaýy 28 maýsymda ótedi. Ekinshi týr qajet bolǵan jaǵdaıda 5 shildege belgilenedi.
31 mamyrda Irannyń saılaýaldy shtabynyń ókili Mohsın Islamı úsh áıeldiń «shartqa saı kelmegeni úshin» tirkelmegenin habarlaǵan.