Iran prezıdentiniń tikushaǵyndaǵylardyń barlyǵy mert bolýy yqtımal

<p>ASTANA. KAZINFORM &ndash; Iran Memlekettik telearnasy álemdik agenttikterdiń prezıdent Ibrahım Raısıdiń tikushaǵynyń bólshekteri tabylǵan jerden tirshilik belgisi baıqalmaıtynyn habarlap jatqanyn jetkizdi.</p>

Bul rette qutqarýshylardyń oqıǵa ornyna jetken-jetpegeni, adamdardyń mert bolǵany týraly boljam drondardyń túsirilimderi negizinde jasaldy ma, ol jaǵy ázirge belgisiz.

Reuters agentiginiń Iran sheneýnikteriniń birine silteme jasap habarlaýynsha, ushaqta bolǵandardyń barlyǵy mert bolǵan bolýy múmkin.

Osyǵan deıin Iran prezıdenti mingen tikushaqtyń apatty jaǵdaıda qonǵanyn habarladyq.

Keıinirek Iran vıtse-prezıdenti Mohsen Mansýrı Ibrahım Raısı mingen tikushaq apatty jaǵdaıda qonǵannan keıin qasyndaǵy eki adam birneshe ret baılanysqa shyqqanyn aıtty.

Túrkııa oqıǵa ornyna 32 alpınıst pen tikushaq jiberdi.

Eýropalyq keńes tóraǵasy Sharl Mıshel Iran prezıdenti Ibrahımı Raısıge qatysty jaǵdaı týraly málimdeme jasady.

Reseı prezıdenti Vladımır Pýtın apatty jaǵdaıda qonǵan Iran prezıdenti Ibrahım Raısı mingen tikushaqty izdeýge kómektesý úshin 50 qutqarýshy, eki ushaq pen tikushaq jiberýge buıryq berdi. 

Irannyń Qyzyl Jarty aı qoǵamy Prezıdent Ibrahım Raısıdiń tikushaǵy tabylǵanyn habarlady.