Iran OPEK-tiń suıyq otynyn óndirýden ekinshi orynda tur

<p>ASTANA. KAZINFORM &ndash; AQSh Energetıka mınıstrliginiń sońǵy esebine sáıkes, Iran Munaı eksporttaýshy elder uıymynyń (OPEK) suıyq otyn óndirý boıynsha Irakty basyp ozyp, ekinshi orynǵa shyqty, dep habarlaıdy<a href="https://en.imna.ir/news/752901/Iran-Surges-to-2nd-in-OPEC-Liquid-Fuel-Production-Overtaking" target="_blank" rel="noopener"> IMNA.&nbsp;</a></p>

Derekter Iranda suıyq otyn óndirisi osy jyldyń birinshi toqsanynda 110 myń barrelge aıtarlyqtaı artyp, bul onyń OPEK-tiń Saýd Arabııasynan keıingi eń iri resýrs óndirýshisi retindegi ornyn nyǵaıtqanyn tanytyp otyr.

AQSh-tyń Energetıkalyq aqparat basqarmasynyń «World Short - Term Energy Outlook» esebinde Irannyń 2024 jyldyń birinshi toqsanynda kúnine 3,230 mln barrel munaı óndirgenin, bul ótken jyldyń osy kezeńimen salystyrǵanda shıki munaı óndirý kólemi táýligine 50 myń barrelge artqanyn kórsetedi.

Baıandamada Iranda 2023 jyly ortasha shıki munaı óndirisi táýligine 2,870 mln barrelden astam bolǵany, al 2024 jyly ortasha óndiris táýligine 3 mln barrelden asady dep kútilgeni atap kórsetilgen.

Budan bólek, Irannyń jalpy suıyq otyn óndirisi shıki munaı men kondensatty qosqanda 2024 jyldyń birinshi toqsanynda táýligine 4,42 mln barrelge jetti.Bul eldiń álemdik energetıka naryǵyndaǵy yqpalynyń artyp kele jatqanyn kórsetedi.