Iran munaı tankerlerin halyqaralyq sýǵa shyǵardy

<p>ASTANA.KAZINFORM - Spýtnıkten túsirilgen sýretter Irannyń portta turǵan barlyq munaı tankerleriniń joǵalyp ketkenin kórsetedi. Olar Izraıldiń iri munaı termınalyna shabýyl jasalý qaýpinen halyqaralyq sýǵa shyǵyp ketti,&nbsp; dep jazady <a href="https://t.me/BILD_Russian/19144" target="_blank" rel="noopener">BILD.</a></p>

Basylymnyń habarlaýynsha, birneshe kún buryn «munaı araly» dep atalatyn Hark aralyna jaqyn jerde birneshe tanker turǵan. Iran munaı eksportynyń shamamen 90% - y osy strategııalyq mańyzdy port arqyly ótedi. Alaıda 4 qazan, juma kúni port kútpegen jerden bos qaldy. Buǵan spýtnıktik sýretter dálel.

Bir nusqa boıynsha, Iran bıliginiń mundaı dúrbeleń reaktsııasynda AQSh prezıdenti Djo Baıden mańyzdy ról atqarýy múmkin. 3 qazandaǵy baspasóz máslıhatynda ol Izraıldiń Irannyń ıadrolyq baǵdarlamasyna qarsy soqqy berýin qoldamaıtynyn aıtty.

«Eger men Izraıldiń ornynda bolsam, munaı nysandaryna shabýyl jasaýdan basqa nusqalardy qarastyrar edim», - dedi ol Aqúıde ótken baspasóz máslıhatynda.

Baıdenniń pikiri munaı naryǵyndaǵy aýytqýlarǵa sebep boldy. Al Iran aldyn ala saqtanýǵa sheshim qabyldap, tankerlerin qaıtaryp aldy.

TankerTrackers shıki munaıdy jóneltý jalǵasyp jatqanyn habarlaıdy. Degenmen «barlyq qosymsha júk tasymaldaý múmkindigi» porttan alynyp tastaldy. Munyń Iran úshin qandaı ekonomıkalyq saldary bolatyny belgisiz.

Buǵan deıin Izraıldiń Beırýtke jańa shabýyldar jasaǵany habarlanǵan bolatyn.

Aıta keteıik, Iran Izraılge zymyrandaryn ushyrdy. Iemen de Palestına men Lıvandy qoldap, Tel-Avıvtegi Izraıldiń áskerı nysanasyna shabýyl jasaý úshin ıAfa ushqyshsyz ushaǵyn paıdalandy.

Izraıl óz kezeginde Irannan kek alýǵa ýáde berdi.