Iran munaı eksportyn táýligine 150 myń barrelge deıin arttyrady

ASTANA. QazAqparat - Iran munaı eksportyn táýligine 150 myń barrelge deıin arttyrýǵa nıetti. Bul týraly Iran ulttyq munaı kompanııasynyń halyqaralyq qatynastar boıynsha atqarýshy dırektory Seıed Mohsen Gamsarı habarlady, dep jazdy Gazeta.ru Mehr agenttigine silteme jasap.

Eksport kóleminiń artýy Irannyń kúndelikti shetelge jetkizetin munaı kólemin 2,2 mln barrelden 2,35 mln barrelge deıin arttyrady. Gamsarı eksporttalatyn munaıdyń shamamen 600-650 myń barreli eýropalyq naryqqa túsetinin aıtty.  Onyń sózine qaraǵanda, 2,5 mln barrel eksport kórsetkishine jetkizý aýyr jáne keshendi tapsyrma bolmaq.

Memlekettik kompanııa ókili qazir eldegi naryqta táýligine shamamen  1,8 mln barrel paıdalanylatynyn jetkizdi.  

Osyǵan deıin Iran munaı óndirýdi báseńdetýden bas tartqany týraly habarlanǵan bolatyn.